[صتيمه]

هنا بصوت

http://www.5ymah.net/inf/voices.php?...=12&offset=200

يابندقي تميت انا خمس وعشرين= عامن وانا في كل يومن اخاويك

يابندقي مابي خويِّن يبارين= غيرك ولا غيري خوين يباريك

كم مرتن لا قل صيد المخاوين= يابندقي عشيتهم من مراميك

مرماك للواقع قرارن على العين= ومرماك للطاير قرارك إيقديك

عطيبة المضراب صوتك يسلين= قليلة العوكاس سوقك محليك

ماظن غيرك بالمقانيص يرضين= وما شاقني غيرك بصنع التماتيك

يابندقي صبرك على الجور تكفين= ترى مع المده يزيد الغلا فيك

حقي عليك انك مع الوقت ترسين= وحقك علي اني احشمك وواليك

عساك ماتخطين ضرب النياشين= وعساه ماغيري من الناس ياليك

وانا اذكر الله واطلبه قولي آمين= إنه يحرسك من عيونن تراعيك

وصلاة ربي عد رمي المقدين= واعداد ماكالوا وما يفهق الديك

على الذي شرَّع لنا الرمي بالدين= اللي رمى والله رمى بالتهاليك