[*سهيل*اليماني*]

بين العقل والنفس والقلب والعين
عرف قديم ولغز واشياء عجايب

ولا ادري اسباب المعاناه من وين
ومن فيهم المخطي ومن كان صايب

سألت نفسي قلت وشبك تلوين
وشفيك ضقتي من هبوب الهبايب

ردت بحزن ولطف وبخاطرن زين
القلب والا العين منه السبايب

وسألت قلبي قال وبخاطرن شين
علي دايم ينسفون المصايب

وانا اتقلب ماتعرف لي قوانين
من عام الاول علمنا بالحبايب

وسألت عيني قالت الله من البين
والله من شوف الفتن والغرايب

قلت ايه نعم بس احذري يوم تبكين
وانا عن اللي كان يبكيك تايب

وسألت عقلي ؟؟
قال :بعدين .. بعدين !!
اعلمك .. لاصار خاطرك طايب ..