اصفر عفر والكف منه مخضوبي .... ومجّمله ربي ولا فيــه عــذروب
الا الوفا ماهو مكورٍ كذوبي .... ومغفلٍ مايعطي العلم مقلــــوب
انا اشهد انه ثقل الحمل صوبي .... بالحب وادعاني شقيٍ ومتعوب
هو ريف روحي ياعلي لو حكوا بي .... مصدود عن عذل العواذل ومحجوب
ما اطيع انا العذال لو برقوا بي .... ولا أكف عن وصله ولا أسلى ولا اتوب
ما أطيق انا الفرقا رقاقٍ جنوبي .... وقلبي رهيف ودايم الدوم متعوب
(حمد العبدالطيف المغلوث)