نفسي في صنف حشيش "
نفسى فى صنف حشيش
ينمل الدماغ وينضف النخاشيش علشان انسى طابور العيش واخش فى الغيبوبه وانسى مشكلة الانبوبه وانسى بلدنا المنهوبه وانسى اللى بيجهزوه علشان يبقى رئيس للمخروبه وابقى مسطول وانسى اى مسئول من اللى سابوا الناس فى السيول وانسى ان نظيف اتجوز وبقى بيعول وانسى مجلس الشعب وفتحى سرور وانسى البرادعى وايمن نور وانسى شوبير ومرتضى منصور وانسى تعديل الدستور وانسى اللى ساكنين فى القبور وانسى انفلونزا الطيور وانسى مشاريعنا الفاشله فى توشكى وابو طرطور واخش فى الاستهبال وانسى علاء وجمال وانسى التوريث و النيل اللى نازلين فيه تلويث وانسى ان منتخبنا كويس زى ماقال الريس وانسى تصدير الغاز واحناعندنا ازمة بوتاجاز وانسى قطر العياط وانسى قطر الصعيد وانسى احمد عز واحتكار الحديد وانسى زحمة المواصلات وانسى الانتخابات وانسى فتاوى الفضائيات وانسى العشوائيات وانسى فشل التعليم وانسى هشام طلعت وسوزان تميم وانسى الاهرام وانسى الاخبار وانسى ثروة الريس ال40 مليار اللى مش بالجنيه المعفن لا بالدولار وانسى انه خلى بلدنا افقر من زنزبار وانسى المعارضه وانسى الاحزاب وانسى تامر حسنى وعمر دياب وانسى مشكلة النقاب وانسى ارضاع الكبير وشرب بول البعير وانسى انفلونزا الخنازير وانسى اوربا وامريكا وانسى الصين المتقدمين عننا بسنين وانسى البيت بيتك و تامر امين وانسى ان كيلو اللحمه بقى بتمانين وانسى اننا فى الزباله غرقانين وانسى الماده سته وسبعين والماده سبعه وسبعين وانسى فريق الساجدين وانسى الزمالك والاهلى وانسى اليسا وهيفاء وهبى وانسى الفول والطعميه وازهى عصور الديموقراطيه وجامعة الدول العربيه والجماهيريه الليبيه والكفيل فى السعوديه وانسى بطرس غالى و الضريبه العقاريه وانسى الطلعه الاولى الجويه والمصالحه الفلسطينيه وانسى فتح وانسى حماس وانسى هنيه ومحمود عباس وانسى العراق وافغانستان وانسى ايران و انسى باكستان وانسى ماما سوزان وانسى الاخوان وانسى محمد ابراهيم سليمان وانسى ان حد من 0900 يطلع كسبان وانسى انى مديون وانسى كل ممثله حيزبون بتاخد فى المسلسل كام مليون وانسى ايامنا السوده واحضان طنطاوى والبابا شنوده وانسى القذافى والبشير وانسى كل ملك وكل امير اللى حاكمين من سنين من غير تغيير وعلشان اعرف ان الصنف كويس لازم ارشح نفسى وابقى الريس _____________________________ الشاعر المتميز : أحمد فؤاد نجم . :New6: |
http://www.kfary.com/pic/20094026235...fuad_najem.jpg
ما رأيكم في هذا القصيد النجمي ؟!!! هل يعبر عن هروب من الواقع الأليم من شاعر طالما واجه هذا الواقع و دفع ضريبة هذه المواجهة كثيرا ؟!! أم هو أسلوب آخر لمواجهة الواقع ؟!!!! مع خالص تحياتي . :) |
إقتباس:
يبدو أن هذه القصيده جاءت بعد يأس من اصلاح الواقع أخى صلاح تراكم الواقع الاليم بعضه فوق بعض دمتم بخير وتفاؤل والقصيد النجمى أيضا:) |
لما تجد هذا الصنف خبرنا عنه واجرك على الله
|
البعض و هم قلة لهم ملكة في تحويل الخردة الى ذهب
اللهجة المصرية تتحول على لسان احمد فؤاد نجم الى شيء يشبه تراتيل انسان حي بين ركام من الموتى |
أنا لقيت الصنف وعملت به تجربة أخر تحشيش اتفضللوا معانا تكييفوا انتم كمان ----------- حاسس بدي جى بيزعق جوايا وعصافير بطني بتكركر و الدنيا فى عيني مزغزغه والحياة طعمها زى الصبر مش عارف اقول لك ايه بس خلاط عقلي بيلّف عالفاضي والمليّان , دا اللى جري لي من بعد ما غيّرت سيور مخي وركبّت فتيل مستورد ملفوف عالروّقان واوعى تهش شوية المشاعير اللي معششين فى نافوخي دا أنا مصدّأت الدنيا كانت مغبّره ومعفشّه بس صبحّت معسّله ومصهلله وآه ياخوفي يدور تاني وابور حامي البلد ياكل الأرض ويشفط الغله فى كرشه ويخللي الدماغ يفووور ويضّربوا البرجين اللي لسه متعمّرين ويطيروا العصفورين ويصيدهم ابن المأمور و يكسّر تاني جناح العصفور ؟ منا بقول لك خليني كده مسطول مش ناقص تحصّل لي قفله فى كهربة مخّي وارجع تاني اعيش فى عتمة الفوّقان وياكلني الكلب السعران عليك نووووور كل كلامك ميت فل وعسول بس ايه اللي جاب الدي جي جنب الطنبور!!! يا عمى دي اللي مشعشعه معاك أوي ؟ مش تعمل علي حنطور وقولي انت الأول ليه صاد عصفوري ابنُ المأمور ؟ من تخاريف عقلى |
إقتباس:
من تخاريف عقلى واضح يا فتى أنك تعلمت سياسة النفس الطويل:New2: |
إقتباس:
ههههههههههههه نعمل ايه بأه تعبنا من المشي جنب الحيط فكانت الإنتفاضة والتحدى :New5: |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.