مصر...احلى سيمفونيه عزفها الزمان
مصر احلى سيمفونيه عزفها الزمان هى تحفه ونور اى مكان ترابها كحل للعين واصله زعفران ونيلها اجمل مافيها وجاى من الجنان قصدى من الجنه وكمان يجيب للعقل الجنان تركب فيه مركبه وتمشى بين جمال وجمال من المنيل ل اسوان دى مصر ربك ذكرها لمكانتها فى القراءن تلاقى فيها العالم فى الذرة وكمان فى الاديان وتلاقى الحاوى والمخاوى وبيلعب مع الجان هى دى مصر ام البلاد وزينه ا لمكان فيها السمر والسهر عند الامام الحسين وعند ابو العلا السلطان وفين متروح من دندرة لمطروح تلاقى الغناوى والمواويل فى كل مكان دى مصر سيمفونيه عزفها الزمان دى مصر المتصانه من غدر الزمان مصر اللى علمت الناس فى الدنيا الحنان مصر معجزة كل زمان وزينه كل مكان مصر تلاقى رسمها فى كل حارة ودكان مصر عطر البلاد وهى الريحه والريحان الفرعون العاشق... نزار المصري |
قاعده بتغزل خيوط الامل للحبيب طاقيه وشال بتتغزل فى عيون حبيب القلب وتنسج احلى الامال بتدعيلوة يرجع ويخطف م الزمن ما تشال ورموش عينيها تغطى عليه وهى فرشاله حبيبتى هى بكره وبعده وهى السند على الغربه والترحال هى البيت والغيط والفاس وهى برضه الدقيق فى الغوربال ياترى مين عرف حبيبتى ام الكحله والخلخال حبيبتى ياعم هى الغزل والغزال حبيبتى ياعمنا ولا اجدع ميت غزال حبيبتى يتوة فى رموشها والكحله ويقوم علشانها ميت زلازل سالونى عنها قلت ياناس دى جمالها محال احكيلكم عنهاا ايه ولا وايه دى.. الغنوه فى الموال حبيبتى ياولا ام الغيطان والسواقى والشطوط والبحر والنيل ام العيال السمرالى عدوة بينا من الاهوال حبيتى ياولا...مصر ام الجمال الشوامخ وهى اصل لكل جمال وهي حبيبتي وأم حبيبي جمال ياللي زيه في العالم محال باني السد ومحرر القنال ودا للفلاح من أرضه لقمة حلال ام جمال وحسين ومينا ام الف شط والف الف سفينه ام الرجال... والجمال والبنت الكحيله ام المنديل على القوره مالوش لاحل ولا حيله ام الضحكه معجبانى.. والدمعه اه يانى ام الكفاح والسلاح والعيون غزلانى بحبها يابشر وحبها فى القلب ربانى ام طوابير العيش والمش والقراقيش ام الصبر والتنهيده زيها مافيش انا مهما طفت وشفت غيرك يابلدى ماليش يامصر.. ياحضنى وحزنى وغناى فى اليالى كما الدروابش هي زيها ما فيش في المخ اللي جوة الطرابيش أم طه والعقاد ونجيب أبو قصص حرافيش العرقانين عشان لقمة نظيفة وعيش وبسمة وقفشة وفرافيش تعيش مصر عزيزة تعيش انت فاطمه...بتخبز ويه امها فى العيش ولا زينب ...اللى ابنها بيحرس حدودنا فى الجيش ولا بهانه...اللى سارحه بالفجل والزمن شبع فيها تلطيش المهم انك مصريه بالدم مش بالجنسيه ودمك شربات وزيه مافيش نزار المصري..... دى مصر عارفين مصر فاكرين مصر دى احلى سينفونيه عوفها الزمان :heartpump :heartpump :heartpump |
مصر هي سكني وهي أمي وهي الشريان الذي يجري في عروقنا .
وليت أبنائها يحبونها ويخلصون لها ويعطونها كما أعطتهم ولايعملون لأنفسهم فقط . تحياتي أيها العاشق المصري . ومودتي . والسلام عليكم ورحمة الله وبركاته . |
يانزار اسمك المصرى افضل وموضوعك الافضل
|
إقتباس:
ثم مصر اعطتنا جميعا ولا يشعر بذلك الا من أغترب تحاياي وتقديري لمرورك الكريم كل عام وانت بخير لا اله الا الله |
رائعة من روائعك يا نزار
|
إقتباس:
ابن بلدى الطيب..... مصر بلد الطيبين...بلد الناي الحزين ناسها بالخير ملينين يقول المجحفون... ماذا اعطتنا مصر؟ اعطت... الرعايه .... الرياده ..... الدم.....الكرامه لولها لما فخرنا انا مصريين كل الامانى بايام مباركات.... كل عام وانت بخير وبركه لا اله الا الله |
نزار المصري .......لك أن تفخر بأم الدنيا
دمت وسلمت .........مبدع أنت .......كن بخير .......ريا |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.