حوار الخيمة العربية - "سر الاقفال " على لسان سعودى

في يوم كنت اتمشى في مدينة روما الإيطاليه من شارع الى شارع

ومن محل الى محل

وكان الجو جميل وبراد

المهم وانا اتمشى مريت على بوابه الكبيره

اعجبني منظرها وقلت يالله ندخل ونشوف وش وراها,

صارت هذي البوابه تودي لجسر للمشاة

صرت اتمشى على الجسر يمين ويسار واتفرج على خلق الله ,

وانا جالس ادربي راسي لفت نظري وجود شي غريب على هذا الجسر

المفروض مايكون هذا مكانه ابداً لكن وش جاب هذا الشي هنا؟!!!

شفتلي بنت عندها طاوله عليها عشرات الاقفال اللي هي موضوعنا!!!

http://www.majaless.com/up/get-1-2009-ijak88mu.bmp

!!!!!

http://www.majaless.com/up/get-1-2009-63fd0wbh.bmp

وش جاب هذي الاقفال على جسر مافيه ولا باب عشان يتقفل؟؟!!

في العاده اشوف ناس يبيعون ورد او نظارات وشنط يدويه

او عده ومفكات لكن اقفال غريييبه!!!:New10:

رجعت التفت للجهه الثانيه شفتلي وجه مألوف لي

بنقالي عنده طاوله ثانيه لكن اكبر وعليها بعد اقفال

http://www.majaless.com/up/get-1-2009-9mxeqzy9.bmp

http://www.majaless.com/up/get-1-2009-j9tqfgll.bmp

وش يسوون هذولي؟

وشهيله هذي الاقفال؟

اللي اعرفه ان البنقاليين مايبيعون الا عرق او يمررون مكالمات هذا وش جابه هنا؟!

لكن قلت يمكن هذا البنقالي سمع ان الراجحي في بداية حياته

كان يبيع اقفال وصار الحين مليونير وناوي يسوي مثله

رحت للبنقالي, على قولتهم وجه تعرفه ولا وجه تنكره

سلمت عليه

وكنت مستحي اسأله عن هذي الاقفال لانه كان وضعها طبيعي

بالنسبه لهم ولا فيه احد مستنكر الوضع

قلت له انت عايش هنا من زمان

قال لي 15 سنه وكان يتكلم لغه البلد بطلاقه

قالي انت سعودي (طلع ذهين):New2:

قلت ايه

قال انا اشتغلت في السعوديه قبل 15 سنه لكن الحين نسيت اللغه العربيه

قلت له كنت تبيع عرق في السعوديه

قال لا ماعرف العرق (يمكن في ذاك الوقت مابعد احتكروه ولا يعرفونه)

علمته وشو العرق قال مافيه داعي ابيع عرق هنا

http://www.majaless.com/up/get-1-2009-j78rwzw4.bmp

لان المشروبات متوفره برخص التراب ولو اصنع عرق هنا بيسجنوني

ويودوني في ستين داهيه لكن عندكم في السعوديه

اي واحد يسوي مشكله يسفرونه على طول

قلت هذا اللي خلى عيال عمك يلعبون فينا لعب:mecry:

المهم قلت وش تشتغل الحين

قال ابيع اقفال

تمام وصلت للي ابي

قلت له ليش تبيع اقفال؟

قال عشان اي واحد يحب وحده او يبغى يهدي زوجته هديه

!!!

http://www.majaless.com/up/get-1-2009-250fy6ir.bmp

قلت له يهدي حبيبته او زوجته قفل؟!

قال لا.. يشترونه مني ويكتبون اساميهم عليه ويحطون التاريخ

وبعدين يقفلونه في المواصير المنتشره على الجسر وبعدين يرمون المفتاح في النهر

قلت ليش هذا كله؟

قال علشان يبقون يحبون بعض ولا ينفصلون عن بعض طول ماهذا القفل في مكانه ومقفل

بعدين قالي انت ماتشوف المواصير اللي على الجسر كيف مليانه من الاقفال واشر لها

http://www.majaless.com/up/get-1-2009-g9dgq1d0.bmp

http://www.majaless.com/up/get-1-2009-whgsrqjh.bmp

انا طالعت للمواصير وذهلت من المنظر شي مهول اعداد هائله من الاقفال على كل ماصوره وكل عمود وكل زاويه وفي اي مكان يصل له القفل

طلعت الكمره وصرت اصور العمدان والمواصير في كل مكان الين تعبت

.http://www.majaless.com/up/get-1-2009-w10n18vj.bmp

بعد مانتهيت من التصوير ناداني البنقالي

قالي ماتبغى تشتري قفل

قلت لا

قال ماعندك حبيبه

قلت الا عندي

قال خلاص اذا تحبها لازم تشتري قفل وتكتب اسمك واسمها والتاريخ عليه

وترمي المفتاح في النهر

الصراحه احرجني:New1:

http://www.majaless.com/up/get-1-2009-g9dgq1d0.bmp