|
شاعر مصري ... نؤيد سيادتك لفترة جديدة ...
نؤيد سيادتك لفترة جديدة ،،، نكمل خلالها المسيرة السعيدة 26/10/2009 * أحمد فؤاد نجم : نؤيد سيادتك لفترة جديدة نكمل خلالها المسيرة السعيدة و بالمرة فيها نبيع الحديدة مفيش حاجة تانية نبيعها خلاص نؤيد سيادتك لأجل المزيد من اللي تحقق بفضلك أكيد بقينا خلاص ع الحميد المجيد و ربك لوحده في إيده الخلاص ********* نبايع سيادته ولا حد غيره كفايا علينا نبرطع في خيره و نوم شعب مصر العظيمة و شخيره يقول للحرامي ما تسرق كمان نبايع سيادته وابنه وحفيده مفيش زي فكره قديمه و جديده خرابك يا مالطة حيحصل بايده ومين فيكي يعني بيسمع آذان نبوس ايد سيادتك و رجلك كمان تخليك معانا يا ريس عشان وجودك ضرورة فرضها الزمان و من غير وجودك حقيقي نضيع دي مصر بتاعتك و احنا ضيوفك كفايا علينا يا ريس نشوفك و عاذرين سيادتك و فاهمين ظروفك عليك بس تؤمر و احنا نطيع في جزمة سيادتك كلابك يبوسوا و فوق الغلابة بجزمهم يدوسوا و شعبك ليلاتي يا ريس غموسه مذلة و مهانة و حوجة و مر لكن يعني ما دمنا شعب انتساب و دايما وأبدا فى حالة غياب متعملش لينا يا ريس حساب دي عزبة سيادتك و فيها أنت حر و دستور ما دستورشى مش فارقة خالص كلام فاضي كله يا فندم بناقص كفايا علينا الفساد اللي ماصص عرقنا و معشش و ضارب جذوره و ايه يعني تهري جتتنا البلاوي يوماتي كوارث، فضايح، رشاوي كفايا علينا القعاد في القهاوي بنستنى لما الوريث ييجي دوره ــــــــــــــــــــــ شاعر مصري |
اهلا بك يالنسري
في بوح الخاطر قصيدة جميلة _ لكنها لاتنطبق على مصر وبس هذا حال معظم الدول العربية شكرا لك |
النســــــــــــــــــــرى
كلماتك كتييييييير رائعــــــــــــــــــة ولكن ليش بتتكلم عن مصر وشعبه ونومه تراك شايف الشعــوووب كلها صاحيه وما بتنام |
كلنا لها شكرا على النقل الجميل يا اخي النسري |
الأخوة الأفاضل ... ريّا ... sunset ... هـــند ...
على رأي المثل اللي بيشوف مصايب الناس بتهون عليه مصيبته :) دام النوم دائماً ليس فقط في مصر وإنما هي حالة من بعض الحالات المتفشية في باقي الدول العربية ... ودام الود ... |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.