عاش الزعيم
اسمع بقى احنا زهقنا من النعيم و نفسنا فى يومين شقا عايزين نجرب الاضطهاد...و نعوم و نغرق فى الفساد بينى و بينك حضرتك دا شعب فقرى ما يستحقش جنتك أنا عارف انه شعب مينفعوش الا شارون و بلير و بوش عايز يجرب الامتهان..و يعيش عميل للأمريكان بيمد "غازه" لاسرائيل..و يومين كمان و يمد النيل أهو يعنى نشرب ميه واحده ندوب فى بعض ماء و ماء وماء.. ونفض سيرة الانتماء وبلاها نعره و طنطنه.. و تبقى البلاد "مستوطنه" متسلطنه و متسرطنه ايه اللى خدناه من الكرامه و الاباء حبة خطب و كلام.. كلام.. احنا راهنا على النظام و رضينا بخيار السلام خيار هنسد عين الشمس بيه عشان ميطلعش النهار و يطلع لمين؟.. حبة معارضه مغرضين؟ و حسب بيان السلطه.. شله مأجورين؟ يا عم فضك سيره..و ارضى بقسمتك دا شعب مش فاهم أكيد.. يالا اطرده من رحمتك و ان كنت غاوى الحكم.. خليك مطرحك هاغطس و أقب و أعود.. بشعب يريحك راضى و عمره ما يجرحك أخرس و ما بيسمعش.. و أعميلك عينيه مش كل قرش يبص فيه..ما يقولش لأه, و فين, و ليه يضرب ينفض فى السليم.. و على الصراط المستقيم كل اللى يعرف ينطقه.. عاش الزعيم:rolleyes: (للشاعر المغمور: أحمد فؤاد نجم) |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.