حوار الخيمة العربية

حوار الخيمة العربية (http://hewar.khayma.com:1/index.php)
-   الخيمة الساخـرة (http://hewar.khayma.com:1/forumdisplay.php?f=45)
-   -   انت مصــــــرى ... ؟؟؟ (http://hewar.khayma.com:1/showthread.php?t=66650)

الفارس 07-11-2007 12:17 AM

انت مصــــــرى ... ؟؟؟
 
عشان انت مصرى
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عاملك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
احمد فؤاد نجم

salsabeela 07-11-2007 12:20 AM

هههههههه

عيب عليك

welaa 07-11-2007 12:51 AM

لا مش عيب عليه هو عيب على النا س التانيه

الفارس 07-11-2007 01:07 AM

ولازلت أقول ... غداً أفضل بعون الله

maher 07-11-2007 01:10 AM

استبدلها بتونسي :New7: :New7:

و لو حبيت عربي أيضا :New6: :New6:









كثر الهم يضحك :New2: :New2: :New2:

welaa 07-11-2007 01:36 AM

والله لو جيت للجد العرب كله مش كويس مش مصر بس

الفارس 07-11-2007 01:49 AM

وكأن الأيام تعيد نفسها ... مع اختلافى مع الفاجومى جوهرا ومظهرا لكن يضع يده على مواطن الجرح

welaa 07-11-2007 02:56 AM

من الا فضل ان تداوى الجرح لا تشفق على الجرح

زهير الجزائري 07-11-2007 11:59 AM

فؤاد نجم له تعبير خارقة للواقع هو ونزار قبانى يتشابهون نزار في الحب وفؤاد في السياسة يعرون الواقع بتعابير خارقة نحس اننا نعيش مايقول بس لم نكن نملك كيف نعبر تحياتى لكم

السمو 07-11-2007 12:54 PM

في مثل هذا الواقع
ما أجمل هذه :)

دمت سالماً من القرف أخي محمد :)


Powered by vBulletin Version 3.7.3
Copyright ©2000 - 2021, Jelsoft Enterprises Ltd.