أنا عايزه اعيش فى كوكب تانى
 

رافضك يا زماني .. يا أواني .. يامكاني
أنا عايز أعيش في كوكب تاني
فيه عالم تاني .. فيه لسّه أماني
فيه الإنسان .. لسّه إنسان
عايش للتاني !!

عالم طيّار ورياحه قوية
بتهد كياني تكسّر فيّا
من غير مواعيد
بتاخدني بعيد
عن معنى حياتي
عن أصلي وذاتي
وده مش بإديا
وده مش بإديا

فيه سد منيع
عالي وفظيع
بيني وبين نفسي
بين روحي ورسمي
بين يومي وأمسي
وإللى أتمنيته وبنيته
في الهوا بيضيع
وده مش بإديا
وده مش بإديا

مكبوتة في قلبي أحلام محصورة
وحطام أفكار أيتام مبتورة
وآمال مطوية
بتعافر فيّا
( وكأن أواني كان لسّه شوية ) !!

وف وسط الناس والزحمة
تاه الإحساس والرحمة

ضاع مني سلامي
تاه حتى كلامي
ضاق بيا مكاني
كداب يا زماني
كداب يا زماني

رافضك يا زماني .. يا أواني .. يامكاني
أنا عايز أعيش في كوكب تاني
فيه عالم تاني .. فيه لسّه أماني
فيه الإنسان .. لسّه إنسان
عايش للتاني !!


كلمات: مدحت الجمال

مساء الجمال رايا

معك حق لن اجد النيل وعذوبته
ولكن... حتى النيل اضطررنا للبعد عنه بسبب افعال البشر

دمتى بخير ايتها الرقيقه

المدينة الفاضلة فى داخلنا نحن و نصنعها نحن

المدينة الفاضلة لا وجود لها و لن يكون لها وجود الا فى خيال الفلاسفة و الشعراء

المدينة الفاضلة هى فقط التى يتمسك هيكلها على المبدأ و يثبت عليه و هيكلها هذا ربما لا يتعدى الخمس فهو قادر على حمل حمل خمسين أخرين معه فيكونوا أغلبية مجتمع و تبقى دائما و أبدا أقلية شاذة .. ......... شذوذ المجتمع و الأغلبية .. المهم هو صمود هذا الهيكل الذى عليه تأتى المفاصل و العضلات و الأعضاء و الأنسجة .. و لا مكان لعبارة ” لو كل واحد ” فهى محال لا شك .. بل لنقل ” لو من كل خمسة واحد فعل كذا و كذا ” ..

أتدرين أن ثلث المجتمع المدنى و هم الصحابة العظام و بين أظهرهم النبى الخاتم كان ثلثه من المنافقين خلاف اليهود و المشركين …!!!!!!

تحيتي

عيشي كما تريدين في كوكب ثاني , ان وجدت الاكسجين .. مع العلم ان القصيدة جميلة ولكن ان كتبت بلغة الأم ستصبح في غاية الجمال ....

أنا معك في هذا الرد المميز
تحيتي ايها الجنرال
:New2:

المدينه الفاضله لاوجود لها لان كلنا بشر مخطىء ومصيب
والكمال غير موجود طالما نحن فى الدنيا

تحيتى .. وشكرا لمرورك

احيانا تكون محاطا بالاكسجين ولكن لاتستطيع التنفس

شكرا لمرورك