حدوته مصريه.بيسألوني بتحب مصر... نزار المصري
أفضل الدعاء*** ألحمد لله السلام عليكم ورحمة الله وبركاته ****** قالولي بتحب مصر.. سكت وخرجت مني تنهيدة وقلت أكيد من غير ما أحلفلكم بعزة وجاه ربنا المعبود :heartpump:heartpump:heartpump دي غزالة الزمان أللي حبها أتوجد في القلب وهو لسه وليد أنا أبنها المغنواتي وبرضه تلاقيني عسكري واقف بنبووته على الحدود :heartpump:heartpump:heartpump يامه ياماي عايز يام الخير أحكيلك وياريت يام الجبين مريمي تكوني سامعاني عاوز أترمي في حجرك وأبكي وأشكيلك دي الشكوى في القلب جمرة نار ومرار أه ياني **** ياأم العيون شطوط أنت مش غريبه وعارفه إن الغلا بقا غول أل أيه بيستوردولنا الدوا للعيال حتى زيت الفول وأبنك المطحون أللي كان حجر في هرم فرعون النهاردة بقا حيران بين طوابير العيش والدمعه ملت العيون *** وقالولي بتحب مصر... قلت ياعالم أكيد أم الشوارع نور والمزارع نيلاني دي الخاله للجميع.. وحبها فرحة لبس العيد أمي هي وحبيتي هي وهي أللي فاهماني ***** :heartpump:heartpump:heartpump أل أيه بيسألوني.. أنت صحيح بتحب مصر قلت هو من أمتى الحب في القلب محتاج لآماره ودليل أسألوا سومه ليه غنت سنين في عشقها ولا حلُم ليه حلف بسماها وتراب أرضها مصر هي هاجر أم العرب أللي خلفت جنب الكعبه سيدنا أسماعيل أسألوا يعقوب أو سويرس عن طيبة شعبها وزويل عن سر العلم في هرمها وحضارة أهلها مذكوره متحصنه من عند ربنا .. أمنة في أيات الذكر والتنزيل أسألوا سيدنا يوسف هو أزاي حبها وهو خازن الحب وقمحها وشنوده لو دور هايلاقي ذكرها منسي في الآناجيل والطاهرة أم المسيح أستخبت من ظلم الرومان بين دروب حبها ******** :heartpump:heartpump:heartpump ولسه بتسألوني بتحب مصر...صرخت وقلت أكيد دي مصر أرض القمر أللي حبها نبض وألم وشجون يابهيه والله عاشق أنا لترابك الزعفران وحبك صرخة وريد أنا أبنك المعجباني.. أللي رغم الشكوى بيصرخ بأسمك مصر .. مصر كل مايجي جون ولادك العدوي والشعراوي وحسان رافعين أزهرك فوق منبرك وحافظين للقرأن المجيد والجوهري وشحاته وأبو تريكه رافعين أسمك والعالم بيك بقا مجنون فى النهايه لو سألوني عن حبك . هاصرخ وأقول بحبك يامصر بشكل عنيد ***** :heartpump:heartpump:heartpump نزار المصري اللهم صل على محمد وعلى آله وصحبه أجمعين وأفضل الذكر*** لا إله إلا الله |
سألوني بتحب مصر قولت بـُصـوا فــ ملامحي تشوفوها الحب كلمة لو تعرفوها تعرفوها مصر المشاعر والحب لو عرفتوها ها تعشقوها ................ أخي الرائع نزار تحياتي لروعة كلماتك ...دمت مبدعا والخيمة نورت بوجودك |
بحــب الورد الأبيض اللى نمى فى أرض مصــر بحـب شـط إسكـندريـة والرمال الذهبيـة مدرستـى .. وأحلامى الودرية هى أمى وطنى أرضى فيها نمى نبضه بنبضى أخى نزار المصرى اشتاقت الخيمة لأمطار حروفك http://hewar.khayma.com/icons/icon7.gif |
بسم الله الرحمن الرحيم قصيدتك أخي العزيز جميلة ، وهي ليست مصرية أصيلة فحسب ، وإنما (بنت بلد) هذه القصيدة تعد ملمحًا جيدًا لهذه القدرة على الصياغة ، وتتخذ القصيدة من ذكر المآثر التاريخية والتراثية أساسًا لها وتعتمد على العديد من الجوانب المخبوءة في ذات الإنسان المصري لترسم بها كينوته. القصيدة على جمالها لم تأت بجديد لأن كل ما ذكرت َ ذكره الكثيرون في شعرهم ، فقط ربما تكون القصيدة هذه بمنزلة -وليس بمثابة- رد على شبيهة لها كتبها الشاعر تميم البرغوثي . القصيدة امتزجت بكل معالم الإنسان المصري حديثًا وقديمًا ولم تكن قصيدة سخيفة من القصائد التي تعتز بالمآثر وتؤكد على ما نسميه في مناهج اللغة العربية السقيمة (سمات الممدوح) تتغنى في إطار يخيّل للقارئ معه أنه في كوكب آخر ، الذي أعجبني في القصيدة التأكيد على العديد من المشاكل التي تحيط بالواقع الاجتماعي فيها ولا تنفصل عنها وتؤكد حضور الولاء لاسيما في هذه الأوقات الصعبة. القصيدة مرة أخرى ليس فيها ما أستطيع التعليق عليه بشكل كبير لأن كثيرًا من هذه الصور والأسلوب مكرر في شعر العامية ، وتستطيع لو أنك داومت على القراءة في هذا الفن الرائع أن توجِد لك منطقة شِعرية خاصة بك . أجدت الكتابة واستخدام القافية وانصرفتَ عن الصور الغريبة التي تبدو كأنها أضغاث أحلام .جميلة الكتابة الواعية ، وأرجو لك المزيد من التوفيق ودمت مبدعًا على الدوام .. وفقك الله . |
إقتباس:
أفضل الدعاء*** ألحمد لله السلام عليكم ورحمة الله وبركاته *** جربت تقعد جنب ساقية حنان في غيط كمون ولاتدخل جنينة أمان مزروعه بمانجه أو لمون هي دي أرض السماحه أللي عشانها كل شئ يهون *** هي حبيبتي كده. أيوه كده هي ريحة لمة ولادها الطيبين جنب جامع في السيده وهي متأكده برضه بتشعلها ناروجحيم عالعدا وولادها شايلين العلم وياه القلم والسلاح وهما بيلبوا الندا *** هي طعم النجاح وياه لقمة القاضي من عند عوف نظرة تحدي لكل الصعاب من غير تردد ولا خوف زغرودة فرحه وكحلة طريق بس أنت بص وشوف *** اللهم صل على محمد وعلى آله وصحبه أجمعين وأفضل الذكر*** لا إله إلا الله ***** أشرقت في متصفحي أخي داود |
إقتباس:
هاتي ايديك تديني الامان لبكرة....هاتي وماتخفيش من الناس ولا م الفكرة مدي بالحنان كفك يكفي الكون حرير يام الطرحه على جبينك خضرا هاتي ياسمرا الدفا من عينيك ناوليني طرف الحكاية وتعالي نغزل بكره هاتي الحلم,,, يامصر ** شكرا اخي على هذا التحليل الطيب دمت بكل الرضا |
إقتباس:
شكرا اختي سلسبيل الرائعه دمت بهذا التألق قوم يامصري مصر سامعها بتنده عليك محتاجلك محتاجه للهمه فى ايديك محتاجه تشوف كلمه الحق فى عينيك قوم وكفاية نوم أصرخ وهز الدنيا زوم فى وش اللى سرقوا أحلامك قول لأ للى زرعوا الخوف فى أوهامك واللى خدروا السكه والطريق قدامك وهما اللى قتلوا الامل فى أيامك قوم وبلاش كسل ولا تنطيش وأطلب حقك فى اللقمه وف رغيف العيش كل مشكلتك فى قوله لأ لأ للحرافيش قوم يامصري قوم بالأدب وأسأل اللى باع لمين بعتم مستقبلي وبكام مين بكره يتحكم فى الارزاق والكلام فين راحت فلوس العام ولا أيراد القناه اللى ضاع قوم وقول لأ لتجاره مع ولاد أسرائيل دول قتلوا ولادنا ولسه فى اخواتنا نازلين تقتيل أوعى تنسى دول قتله المستحيل دول لا بعرفوا سلام ولا كلام ولا معاهدات عاوز تعرفهم أرجع لتاريخ الانبيا اللى فات هتلاقيه أسود وكله تناقضات هما دول أصل الحروب والموت والويلات قوم يامصري قوم يامصري لو لسه فيك الروح قوم وبطل نوم انت بخوفك خليت القلب مجروح قوم وأصرخ صرخة أسد وبطل نوح قوم ده انت أدهم وعرابى وكل تاريخك هنا فى اللوح نزار المصري |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.