|
كلمات عزفت على أنغام الوتر
:heartpump:heartpump بوابة الحلواني..... كلمات سيد حجاب :heartpump:heartpump بندق ندق بوابة الحياة بالإيدين قومى قومى افتحى لولادك الطيبين قومى و اللى بنى مصر.. كان فى الأصل حلوانى و عشان كده مصر يا ولاد حلوة الحلوات :heartpump:heartpump وادى و بوادى و بحور و كفور و موانى توحيد و فكر و صلاة تراتيل غنا و ابتهالات و كل ده فى مصر يا ولاد حلوة الحلوات :heartpump:heartpump اللى بنى مصر كان حلوانى يا ولداه حلوانى اسمه على بوابتها لا زال و لا زايل ساعة الهوايل يقوم قايل يابلداه و ييجى شايل هيلا هوب شايل .. حمولها و يعدل المايل و عشان كده مصر يا ولاد حلوة الحلوات :heartpump:heartpump بحلم يا صاحبى و أنا لسه بأحبى بدنيا تانية و مصر جنة يا صاحبى و آجى أحقق الحلم ألقى الموج عالى عالى طاح بى و نعود سوا نطوى الأنين بالحنين و عشان كده مصر يا ولاد حلوة الحلوات :heartpump:heartpump |
:heartpump:heartpump قالو زمان دنيا دنية غرورة :heartpump:heartpump و قلنا و اللي تغره يخسر مصيره قالوا الشيطان قادر و له ألف صورة قلنا ما يقدر عللي خيره لغيره :heartpump:heartpump ايه معنى دنيتنا و غاية حياتنا اذا بعنا فطرتنا البريئة الرقيقة ازاي نبص لروحنا جوا مرايتنا اذا احنا عشنا هربانين من الحقيقة :heartpump:heartpump قالو زمان دنيا دنية غرورة و قلنا و اللي تغره يخسر مصيره قالوا الشيطان قادر و له ألف صورة قلنا ما يقدر عللي خيره لغيره :heartpump:heartpump و مين نكون ان بعنا يومنا و ماضينا و ليه نعيش اذاكانش بكرة يراضينا و ازاي ننام من غير ما نحلم ببكرة و بكرة ده منين ييجي الا بايدينا :heartpump:heartpump قالو زمان دنيا دنية غرورة و قلنا و اللي تغره يخسر مصيره قالوا الشيطان قادر و له ألف صورة قلنا ما يقدر عللي خيره لغيره :heartpump:heartpump |
من هو سيد حجاب؟؟ هو شاعر الفقراء .. ابن مدينة الصيادين الذي اصطاده الشعر فأوقعه في شباك الكلمة .. رائد من رواد جيل الستينات .. صاحب أجمل كلمات أغاني للأعمال الدرامية .. هو الساحر............ :heartpump:heartpump ولد في محافظة الدقهلية بمدينة المطرية ، مدينة الصيادين التي تحتضن ضفاف بحيرة المنزلة ، المدينة الصغيرة ذات الطبيعة الجميلة الهادئة .. مجتمع الصيادين البسطاء الذي أثر كثيرا جدا في شخصيته .. جلسات المصطبة الشعرية التي كان والده يصحبه إليها فيستمع لحكايات وأشعار الصيادين البسطاء ويدونها .. :heartpump:heartpump كان ديوانه الأول ( صياد وجنية ) وليدا لتلك البيئة ، وشهد حفاوة بالغة من النقاد والمثقفين الذين وصفوه وقتها ب (لوركا ) العرب .. لكن تحولا كبيرا بعدها شهده شعر سيد حجاب الذي أزعجه أن عمله الذي قصد به أبناء بلدته الصيادين البسطاء لم يصل أيا منهم .. .. يقول سيد حجاب عن تلك النقلة ""حدث هذا التحول حين نشرت ديواني الأول صياد وجنية╗ ولاقى حفاوة كبيرة لكن ذلك كان في إطار الكلام المجاني. لم يجد هذا الديوان حظه من القراءة ,،فالذين كتبته لأجلهم لم يقرأوه.. آلمني الأمر كثيراً.. شعرت بأنه من العبث أن تكتب شعراً في وطن تغمره الأمية. عندئذ بدأت أتوجه إلى الناس. "" .. اتجه سيد حجاب للكلمة المغناة ليصبح شاعر الفقراء والكادحين ..يستمد كلماته كما يقول ""من حياتي من خبرتي وداخلي، من محبتي الغامرة لبسطاء شعبي بالتحديد، من واقعي المصري والسكندري أيضا، وحياة الفقراء والغلابة."" سأتوقف قليلا عن الحديث عنه لأعرض بعضا من أعماله الساحرة .. يقول في قصيدته الساحرة التي قدمها لمسلسل الأصدقاء :heartpump:heartpump آدي إيدي مِد إيدك ... جرحي جرحك عيدي عيدك ود دافي .. نبع صافي ... شيء كأنه نيل موافي من وريدي و من وريدك يا صديقي مِد إيدك :heartpump:heartpump يا صديق عمري يا صاحب ذكرياتي ... إنتَ كنز أيامي تحويشة حياتي و مراياتي اللي باشوف جوّاها ذاتي ... و تواجهني بعيبي تكشف سيئاتي تِقسى بحنان و استزيدك ... يا صديقي مِد إيدك :heartpump:heartpump أصدقاء و الود موصول فوق زمانّا ... بيه آمنّا و له آمنّا و فيه أمانّا بيه على الدنيا و ع الدهر استعانّا ... و إن زمنّا خانّا و في لحظة طعنّا تستعيعدني و استعيدك ... يا صديقي مِد إيدك :heartpump:heartpump وقد أبدع في ختام كلماته حين قال: :heartpump:heartpump آدي يدّي مد يدك ... قد ودك قلبي ودّك د انتَ بعد الأهل أهلي .. و اذا يوم قلبك ندهلي حتلاقيني بقلبي عندك .. يا صديقي مد يدك :heartpump:heartpump يا صديق عمري و أحلامي و عذابي ... في ليالي فرحتك عامل حسابي في ليالي وحدتي بتدق بابي .. و عمر باب قلبي ما صدّك يا صديقي مد يدك :heartpump:heartpump أصدقاء و الود موصول فوق ظروفنا .. مهما نبعد مهما طوفنا مهما شفنا في ساعات شدتنا و قلقنا و خوفنا ... تستعيدني و استردّك يا صديقي مد يدك :heartpump:heartpump |
و عن القاهرة يقول سيد حجاب :heartpump:heartpump هنا القاهرة الساحرة الآسِرة الهادرة الساهرة الساترة السافرة :heartpump:heartpump هنا القاهرة الزاهرة العاطرة الشاعرة النيّرة الخيّرة الطاهرة :heartpump:heartpump هنا القاهرة الساخرة القادرة الصابرة المنذرة الثائرة الظافرة :heartpump:heartpump صدى الهمس في الزحمة و الشوشرة أسى الوحدة في اللمة و النتورة :heartpump:heartpump هنا الحب و الكذب و المنظرة نشا الغش في الوش و الإفترا :heartpump:heartpump هنا القرش و الرش و القش و السمسرة هنا الحب و الحق و الرحمة و المغفرة :heartpump:heartpump و انا ف قلب دوامتك الدايرة بينا بصرّخ بحبّك يا أجمل مدينة يا ضحكة حزينة .. يا طايشة و رزينة :heartpump:heartpump بحبّك و اعفّر جبيني في ترابك و اعيش في رحابِك و أقف جنب بابك جنايني أروي بالدم وردة شبابك يا زينة جنينة حياتنا اللعينة بحبّك يا بنت اللذين :heartpump:heartpump بحبّك :heartpump:heartpump |
ومن أحب الكلمات إلى قلبي وأرقها لحنا وهي إهداء خاص مني إلى جميع أعضاء الخيمة :heartpump:heartpump زي الهوا :heartpump:heartpump زي الهوا ساير وخيال الطيف أحلى سنين العمر بيننا تمر :heartpump:heartpump يا نعيش هوانا حلم ليلة صيف يا تتوه خطانا في ليل شتانا المر :heartpump:heartpump ولما تتلاقى الوشوش مرتين.. مبيتلاقوش يوم اللقا التاني.. :heartpump:heartpump عمر الوشوش ما بتبقى بعد السنين نفس الوشوش دي بتبقى شئ تاني :heartpump:heartpump بتبدل الأيام ملامحنا ترعشنا.. تنعشنا.. تشوشنا :heartpump:heartpump يا ترى اللي بيعيش الزمن إحنا ولا الزمن هوا اللي بيعيشنا.. :heartpump:heartpump |
:heartpump:heartpump إسكندرية الصبية سيد حجاب :heartpump:heartpump إسكندرية الصبية ..بنيَة امبارح اموت فى عودها السرح..وف رمشها السارح شرح هواها ..وشعورها..شبك وليل طارح ع البحر..والبحر فى ننى العيون بارح دى إسكندرية عروسة بحرها المالح :heartpump:heartpump يا إسكندرانى.. يا بستانى فى جناين الريح ياقانى جواك سما..وشمس..وغنا تباريح أحلى ما فيك يا وله.. انك جدع وصريح وطيب القلب ..تضحك..حتى وانت جريح وان عاندك الموج..تداديه انت وتصالح دى اسكندرية عروسة بحرها المالح :heartpump:heartpump يا اسكندرانيه ..يا مياسه محنيه يا بنت بحرى يا ساكنه قلبى وعينيا فى الحر..ع البر تجرى..مستأنية يوشك البحر مية..ترشي حنية ع الدنيا..ويصيب حشايا سهمك الجارح دى اسكندرية عروسة بحرها المالح :heartpump:heartpump شى الله يا أباصيرى..نظرة يا ابا الدردار مدد يا مرسي..وكراماتك ياسيدى ياقوت خيركو علينا..يوافينا فى مينا ..وف دار دار بركاتكو حلت علينا..وع العيال والقوت وعلمتنا ما نمشيش الا فى الصالح دى اسكندرية..عروسة بحرها المالح :heartpump:heartpump يارب ..وافرجها ع المبلى و ع المحووج وكون سندنا..ومددنا..ف السنين العوج واكتب لنا نعودلها..والحب بينا يسود ويعود قمرها يلالى فى الليالى السود ونحق حق الله فيها..ونعدل المعووج دى اسكندرية عروسة البحر..ست الموج :heartpump:heartpump كفك يا صاحبى يا فارد فى الهوا قلوعك يا اسكندرانى ..يا طاوى البحر فى ضلوعك لما الليالى يدوروا..ومايدروا بنا هيه الفناره اللى تهدى قلوبنا لدروبنا وعشقها ف دمنا..ومع حلمنا..ممزوج دى اسكندرية عروسة البحر ..ست الموج :heartpump:heartpump |
الوسية :heartpump:heartpump مين للى قال الدنيا دى وسية فيها عبيد مناكيد وفيها السيد :heartpump:heartpump سوانا رب الناس سواسية لا حد فينا ولا يزيد ولا يخس ايد :heartpump:heartpump جينا الحياة زى البنات أبرياء لا رضعنا كبر ولا اتفطمنا برياء :heartpump:heartpump طب ليه رمانا السيف على الزيف وكفن وجهه غير بالصدق والكبرياء :heartpump:heartpump عيش يا بن آدم بكر زى الشجر موت وانت واقف زيه فى مطرحك :heartpump:heartpump ولا تنحنى لمخلوق بشر أو حجر وشب فوق مهما الزمان جرحك :heartpump:heartpump مين للى قال الدنيا دى وسية فيها عبيد مناكيد وفيها السيد :heartpump:heartpump سوانا رب الناس سواسية لا حد فينا ولا يزيد ولا يخس ايد :heartpump:heartpump |
الله ... الله ... الله كالعادة إنت ياسمين، إختياراتك حلوة وجميلة كل مرة أحس وكأنك تملكين كلمة السر والخريطة المفقودة والوحيدة والتي تملكيها إنت لوحدك لتدخلي روضة جمال وسحر الكلام وتأتين لنا بعقود ماس من العبر تنثرينها علينا لنتمتع بجمالها ... فما أجمل ذوقك وإختيارتك يا وردة الياسمين :thumb: :heartpump :thumb: |
أنوستي الرقيقة :heartpump:heartpump لك بالغ الشكر مني وفائق التقدير على تشجيعك لاختياراتي فأنت من تملكين حسا جماليا عاليا إذ تتابعين كل جديد ولا تبخلين على الجميع بمرورك الطيب شكرا لك على نبل مشاعرك و تقبلي مني أجمل التحيات وأطيب الأماني :heartpump:heartpump |
كلمات سيد حجاب :heartpump:heartpump و ينفِلِت من بين إيدينا الزمان كإنه سَحبة قوس في أوتار كمان و تنفرط الايام عود كهرمان يتفرفط النور و الحنان و الأمان و ينفلت من بين إيدينا الزمان :heartpump:heartpump الشر شرق و غرب داخل في حوشنا حوشوه لا ريح شاردة تقشقش عشوشنا حوشوا شرارة تطيش تشقق عروشنا و تغشنا المرايات تشوش وشوشنا و تهيل تراب ع الهالة و الهيلمان :heartpump:heartpump الغش طرطش رش ع الوش بوية ما درتش مين بلياتشو أو مين رزين شاب الزمان و شقيت .. مش شكل أبويا شاهت وشوشنا تهنا بين شين و زين ولسه ياما و ياما حنشوف كمان :heartpump:heartpump |
بهذه الكلمات المعبّرة اختصر سيد حجاب ما أراد محمد جلال عبد القوي أن يقوله في ما يزيد عن ثلاثين حلقة، و كان ياسر عبد الرحمن أقدر من أحمد صقر في التعبير عن تلك المعاني، عندما حاول أن يقنعنا بأنه شاب تائه بين الموانيء.ـ :heartpump:heartpump المرسي والبحار سيد حجاب :heartpump:heartpump يا مركب العمر يا مشبوح ما بين هلبين تنشد بينهم تعيش في الشك ما بين بين تنفك منهم تتوه مندوه في بحر البين و لفين نروح؟ يا ريت كان لي يا هوه قلبين :heartpump:heartpump ماتقولش أصلك و فصلك .. قول حليم ستّار حتغمّي بإيديك عينيك .. تعمى الخطا و تحتار عقلك في راسك .. و ملزوم كل يوم تختار عيش في الحقيقة .. لا يندار نصلها البتّار و تحشّك النار و تتسوّى على الجنبين :heartpump:heartpump مين و ابن مين .. الحياة مايهمهاش أصلك أصلك بفعلك .. تواصل فِعله و يواصلك فعلك ده من عقلك .. إن طاوعته رقّص لك زمنك و دنياك .. و إذا قصقصته نغّص لك زمنك و دنياك .. فشوف و اختار ما بين دربين :heartpump:heartpump يا مركب العمر هو العمر كام؟ واحد يا عِشته كلّه .. يا ضيّعته و عليك واحد ما تقولش أصلك و فصلك .. كلنا واحد من أصل واحد .. و رب الكون إله واحد :heartpump:heartpump تقول زماني رماني .. أو زماني اندار تتوه في ليل الأماني .. في موج عفي و غدّار تقول زماني عماني .. و دربي طال بي و دار تضيع في بحر الزمن .. و تعيش غريب الدار تلقى الحياة راحت :heartpump:heartpump و ان كان زمان الزمان .. ملا لجدودك نور و اتعصّبوا بتاج ذهب في قصور من البنور ما هم كمان إدّوا ياما .. و كل شيء بالدور و هم برضه اللي خلّوا .. بينا الزمن ده يدور و العالم ارتاحت :heartpump:heartpump |
:heartpump:heartpump الحدود أشعار سيد حجاب :heartpump:heartpump وإحنا فايتين ع الحدود مستمرين فى الصعود اختفى النيل الجميل من تحتنا والمدن .. والريف وأول عمرنا .. وابتدا شىء ينجرح جوة الوجود وابتدينا أسئلة مالهاش ردود .. ميلنا ع الشباك نخبى دمعة فرت مننا .. :heartpump:heartpump بصة من الشباك على البحر البعيد واحنا رايحين بالامال عالم جديد كنت فاكرة يامصر إنى تعبت منك واكتشفت إنى محال استغنى عنك حتى دوشة صوت جيرانى والزحام وحشونى تانى :heartpump:heartpump بسمة حلوة لطفلة لسة صغيرة لما كنت أديها حتة سكرة قبل مانسيبك وحشتينا يامصر ياأمنا .. وابتدا شىء ينجرح جوة الوجود وابتدينا أسئلة مالهاش ردود ميلنا ع الشباك نخبى دمعة فرت مننا .. :heartpump:heartpump كنت بتذكر وانا فى غاية الأسى لعبنا الكورة فى حوش المدرسة والشقاوة وإحنا لسة صغيرين والبراءة والصحاب الطيبين لما سألتنى اللى جنبى إنت مصرى؟؟ دق قلبى :heartpump:heartpump اسمى زى السحر رفرف ع المكان زى نسمة مهفهفة بصوت الأدان أيوة مصريين لآخر كل نقطة فى دمنا أيوة مصريين لاخر كل نقطة فى دمنا من وجوه من تلج وعيون من ازاز شوقى زاد للعشرة والناس العزاز وابتديت أكتب وانا فوق السحاب ابتديت ياحبيبى فى اول جواب مصر إنتى حتة منى مش مجرد اسم وطنى :heartpump:heartpump قالوا فاضل نص ساعة ع الوصول قلت إيه معنى الساعات والا الفصول الا فى الأرض اللى فيها ذكرياتنا وحبنا الا فى الأرض اللى فيها ذكرياتنا وحبنا وابتدا شىء ينجرح جوة الوجود وابتدينا اسئلة مالهاش ردود ميلنا ع الشباك نخبى دمعة فرت مننا ميلنا ع الشباك نخبى دمعة فرت مننا .. :heartpump:heartpump شكرا لك يا سيد حجاب على مشاعرك الطاهرة :heartpump:heartpump |
يا بلاد يا غريبة كلمات: سيد حجاب :heartpump:heartpump إيه يا بلاد يا غريبة .. عدُوة ولا حبيبة؟ في الليل تصحي عيونِك .. و نجومِك مش قريبة بلاد معرفش ناسها .. و لا عارفاني بيبانها و ماليش شبر في أساسها .. و لا طوبة في حيطانها و خطاويَّه غريبة :heartpump:heartpump عالَم رايحة و جايّة .. و أنا مين و فين مكاني؟ و إيه آخر الحكاية؟ و إيه اللي رماني؟ يا خطاويَّه الغريبة دنيا ولا متاهة؟ دايرة و بندور وراها في صبحها و مساها .. آهة و راها آهة يا خطاويَّه الغريبة :heartpump:heartpump |
أراجوز كلمات: سيد حجاب :heartpump:heartpump أراجوز .. أراجوز .. إنما فنان فنان .. أيوه .. إنما أراجوز و يجوز يا زمان أنا كنت زمان غاوي الأرجزة طياري .. يجوز إنما لما الكيف بقى إدمان باجي أبص لشيء واحد أرى .. جوز أرى إيه؟ أرى إيه؟ أرى أرى أراجوز *** فلسان .. كحيان .. أيوه أنا فلسان إنما برضك .. راجل إنسان بأضرب بالألف لسان و لسان و باكلها بعرقي .. و مش إحسان راجل و الرجولية لا عضلات و لا ألابندة و سيما و حركات الرجولية الحقيقية ثبات قدام جبونية أي جبان **** أراجوز أنا و أحمي أرى أرى إيه؟ أحمي قراريط الناس من مين؟ من الناس الأرى أرى إيه أرى إيه؟ من الناس القراميط الملاعين ماهو أصل أنا مش من الأرى أرى إيه مش من القراطيس و لو الحال مال مقعدش أنا على أرى إيه أرى إيه؟ .. قرافيصي و أطنش ع الأندال لازم أشك الأندال مهموز و أدوس ع اللي افترى و العنطوز م أنا أرى إيه أرى إيه؟؟ أرى أرى أراجوز **** أراجوز .. و شجيع .. و الدنيا ميدان فارس .. حارس .. واقف ددبان و إذا بان للشر نيبان و زبان باحمي الغلبانة و الغلبان و شجاعتي ماهياش في الطاخ طيخ دي شجاعة تفكير و تماخيخ الأرض أضربها تجيب بطيخ بذكاوتي و أخللي الخلا بستان **** أراجوز أنا .. و الدنيا أرى إيه؟ قرشانة و احنا شبر شبيط ياما قرمتني و أرى أرى إيه؟ قرصتني ف لباليبي و أنا كبير فسرحت أنفخ أرى إيه أرى إيه؟ أراغيلها و أغني يا ليلي يا عين و أتمسخر على أرى إيه أرى إيه؟ أراذلها الفجرة الطماعين و أضَّحَك كل صبي و عجوز ع اللي بيتنطط فرقع لوز مانا أرى أرى إيه؟ أرى أرى أراجوز **** أراجوز .. و سايقها هبل في جنان و أنا قلبي .. ملان جدعنة و حنان و أبان ساهي سهتان سهيان إنما عقلي للعدل .. ميزان أنا فلتة .. إنما مش فلتان و ساعات حرنان .. و ساعات زنَّان يمكن علشان وحداني .. ما ليش أراجوزة تاخدني بالأحضان **** أراجوز أنا .. و أقدر أرى أرى إيه؟ أراعيكي و أشيلك في عيوني و إذا مرة زعلتي أرى أرى إيه؟ أراضيكي بعقلي .. و بجنوني حُطِّي من السما على أرى أرى إيه؟ أراضيّه و اسلِّم لِك أمري و كُلِي معايا في أرى إيه أرى إيه؟ قروانتي يا كروانة عمري و بَدَل مانا كده ملوي الَبَزبوز أصبح لك جوز معزوز محظوظ إيه يا ترى إيه؟ أرى أرى أراجوز أرى إيه؟ أرى إيه؟ أرى أرى أراجوز :heartpump:heartpump |
نفسي أنا كلمات: سيد حجاب :heartpump:heartpump نفسي أنا أصرخ بحس عالي على شمسنا و أقول لها تعالي خدي همّنا و خدي يأسنا و دوّبي الليالي و هاتي لنا بكرة أحنّ من أمسنا :heartpump:heartpump يا رب ليه الحقيقة في الدنيا تايهة و غريقة؟ الكذب ليه توبه زاهي؟ و الدنيا مش زي ما هي؟ دي دنيا دي .. ولا غابة؟ ولا مدينة ملاهي؟ أنا تهت ليه؟ بس مالي؟ :heartpump:heartpump دنيا اللي فيها كافيها طفولتنا ليه ضايعة فيها؟ و شبابنا جوّاه دموعه لكن بيحلم ببكرة حابس ضناه بين ضلوعه و بكرة في القلب فكرة قرّب يا بكرة و لالي :heartpump:heartpump |
بكرة أجمل م النهارده كلمات: سيد حجاب :heartpump:heartpump أما أنا يا ابني شفت لك امبارح حتة حلم أغرب من أغرب فيلم شُفت لك الديك بطاقية حمرا و جلابية واقف بيكلّم شمس الصبحية يا شموسة يا ام ضفاير دهبية دهبِك فالصو.. قُصّيه و ارميه :heartpump:heartpump الشمس انكسفت خالص بقى لونها أصفر خالص زي لمونة من الدهب الخالص و انعصرت خالص و قالت له بصوتها الدهبي تقصد إيه؟ قال لها لو سبتي السما و نرلتي السوق الناس حيبصوا لك من تحت لفوق و يقولوا و دي تنفعنا بإيه؟ لو كنتي جنيه كنت اشتري بيكي مصاصة و بالون اتنطط بيه لو كنتي جنيه أو حتى قرش نحاس مش كنتي بقيتي مفيدة لكل الناس؟ :heartpump:heartpump فكرّت الشمس الدهبية شوية و قالت للديك إنت ولا فاهم حاجة يا ديك و عامل لي فكيك ده لولايا عليك ما كنت طلعت من البيضة و لا كنت اتعلّمت الغنا و المزازيك و لولايا على الناس و الدنيا ما كانتش الأيام البيضا تصبح بيضا ولا كانت أرض الناس تولد فاكهة و سنابل و فاصوليا و لا ورد ندوّبه في كلونيا :heartpump:heartpump الديك المتكلّم .. بلّم و جري يا فكيك من غير ما يحيّي و لا يسلّم و صحيت و انا باصرخ و اتكلّم خدوا كل فلوسي .. ورق و دهب و نحاس و سيبوا لي الشمس يا ناس سيبوا لي الشمس يا ناس سيبوا لي الشمس يا ناس :heartpump:heartpump من ورا ستارة الليالي شمس بكرة جايّة تاني إحنا شايفينِك تعالي يا ام ضحكة برتقاني :heartpump:heartpump العروسة الدهبية جايّة و ف شفايفها وردة شمس بكرة جايّة جايّة بكرة أجمل م النهارده شُفت يوم عصفورة نونو لسه طالعة من أودتها ريشها كان مبلول و لونه لون غناها و صوصوتها قمت قُلت ف عقل بالي بقى دي جناحها يشيلها؟ سِبتها و مشيت في حالي بعد مدة قلت آجي لها :heartpump:heartpump قال لي واحد من جيرانها ياه دي طارت ليها مدة قلت معنى طيرانها بكرة أجمل م النهارده شُفت مرة مهرة سمرا نونو ماسكة ف ديل مامتها قُلت بكرة حتبقى حرة تجري وحديها براحتها عدى شهر و شهر تاني شُفتها فرسة جميلة تنطلق تجري ف ثواني تقطع الرحلة الطويلة :heartpump:heartpump قمت قلت لها قولي لي ليه بتجري يا مهرة شاردة قالت الريح بتنادي لي بكرة أجمل م النهارده :heartpump:heartpump من ورا ستارة الليالي شمس بكرة جايّة تاني إحنا شايفينِك تعالي يا ام ضحكة برتقاني العروسة الدهبية جايّة و ف شفايفها وردة شمس بكرة جايّة جايّة بكرة أجمل م النهارده :heartpump:heartpump |
من أروع ما خطت يداه هذه الطلقات التي كتبها في انتقاد النظم السياسية الفاسدة يقول سيد حجاب في فيلم كتيبة الإعدام :heartpump:heartpump ملعون في كل كتاب يا عار الخيانة اللعنة و النار ع اللي خانوا الأمانة عاشوا على موتنا .. و موتهم حيانا عليهم اللعنة في ترابنا و سمانا :heartpump:heartpump إتردي يا ابواب البيوت .. و ابعديهم و إتسدي يا ابواب القلوب .. و اطرديهم و اتفتحي يا ابواب الجحيم .. و اورديهم جزاة ما خانونا و باعونا لعدانا :heartpump:heartpump ما تطلعيش يا شمس ع اللي يخونّا و ما تنطفيش يا نار قلوبنا و عيونّا و ما ترحميش اللي احنا على قلبه هنّا و اكوي بنارنا كل نقطة في دمانا :heartpump:heartpump حبيبتي من ضفايرها طل القمر و بين شفايفها ندى الورد بان ضحكتها بتهز الشجر و الحجر و حنانها بيصحّي الحياة في النبات :heartpump:heartpump حبيبتي بتعلّمني أحب الحياة من حبي فيها حياتي شمس و ربيع و الحب في الدنيا دي طوق النجاة لولاه يضيع قلب المحب الوديع :heartpump:heartpump يا حلوة يا بلدنا يا نيل سلسبيل بحبك انتِ رفعنا راسنا لفوق لو الزمن ليّل ما يرهبنا ليل شوقنا في عروقنا يصحّي شمس الشروق :heartpump:heartpump الحلوة قلب كبير يضم الولاد و زاد و زوادة و ضِلة و سبيل الموت و الاستشهاد عشانها ميلاد و كلنا عشّاق ترابها النبيل :heartpump:heartpump سلمت يداك ياسيد حجاب يا طيب وأقول مردفة بأن الحق باق ما أسكته باطل وإخواننا في غزة صامدون يفدون أرضك الطاهرة بأرواحهم وما دامت الحرب مشتعلة فالقلوب صاحية متقدة تلهج باسمك يا قدس لتثبت للعالم حقيقة ثابتة ما فيش أولاد يقدروا يبعدوا عن أمهم ثانية واحدة ففلسطين بألف خير رغم الحصار والقيل والقال :thumb: |
يا مـصـري كلمات سيد حجاب :heartpump:heartpump يا مصري ليه دنياك لخابيط و الغلب محيط والعنكبوت عشش ع الحيط وسرح ع الغيط يا مصري قوم هش الوطاويط ... كفاياك تبليط صعبة الحياة والحل بسيط ... حبة تخطيط فتحت باب استيرادك وصرفت فوق ضعف إيرادك حِلي للخواجة استكرادك سابك بتقرا في أورادك وده قشّطك ونزل تشفيط :heartpump:heartpump يا مصري ليه دنياك لخابيط والغلب محيط والعنكبوت عشش ع الحيط وسرح ع الغيط ومهولاتي تحب تزيط ساعة الفرح زغاريد تنطيط وفي المياتم هات يا صويت وفي المظاهرات سخن تشيط و في الانتخاب تنسى التصويت :heartpump:heartpump يا مصري ليه دنياك لخابيط والغلب محيط والعنكبوت عشش ع الحيط وسرح ع الغيط وليه بترشي وتتساهل وتضيع حقوقك بالساهل تستاهل النار تستاهل يا غويط ويحسبك الجاهل سهل وساهي وغبي وعبيط :heartpump:heartpump يا مصري ليه دنياك لخابيط و الغلب محيط و العنكبوت عشش ع الحيط و سرح ع الغيط يا مصري يا للي الغلا عاصرك والنهب في عصرك حاصدك قوم للحياة واسبق عصرك ولا حاجة هترجع مصرك إلا ان تكون شغال ونشيط :heartpump:heartpump يا مصري ليه دنياك لخابيط والغلب محيط والعنكبوت عشش ع الحيط وسرح ع الغيط يا مصري قوم هش الوطاويط ... كفياك تبليط صعبة الحياة والحل بسيط ... حبة تخطيط :heartpump:heartpump |
Powered by vBulletin Version 3.7.3
Copyright ©2000 - 2026, Jelsoft Enterprises Ltd.